Մարի Հելեն Իսքենտերեան ` Համաշխարհային Կնոջական Դրամատան Նախագահ։
Մարի Հելեն Իսքենտերեան Համաշխարհային Կնոջական Դրամատուն կազմակերպութեան նախագահն է.
այս կազմակերպութիւնը կը կազմէ աշխարհի ամէնէն ընդլայնուած փոքր-ֆինանսաւորման տնտեսական
եւ դրամատնային ցանցը: Այս մասին կը յայտնէ Յունաստանի «Ազատ Օր» օրաթերթը: Իսքենտերեան
կը գլխաւորէ դրամատան աշխատախումբը, որուն կեդրոնը Նիւ Եորքն է, ուրկէ կը տրամադրուին
թեքնիք սպասարկութիւններ եւ ռազմավարական նեցուկ` 39 գլխաւոր հաստատութիւններու եւ դրամատուներու,
Ափրիկէի, Ասիոյ, Արեւելեան Եւրոպայի, Լատին Ամերիկայի եւ Միջին Արեւելքի 27 երկիրներու
մէջ: Համաշխարհային կնոջական դրամատան ցանցի յաճախորդներուն 82 առ հարիւրը չքաւոր կին
գործարարներ են: Համաշխարհային կնոջական դրամատան ցանցը կը գործէ 26 միլիոն յաճախորդներով,
որոնց 80 առ հարիւրը կիներ են: Տրամադրած է եօթը միլիառ տոլարէ աւելի վարկ եւ այսօր կը
տրամադրէ 3,5 միլիառ տոլար իր մօտ պահ դրուած խնայողական ներդրումներէն: Համաշխարհային
կնոջական դրամատունը օգտակար հանդիսացած է նաեւ վարժողական ծրագիրներու հաստատման` ապահովելու
համար ճարտարարուեստի ղեկավարներու յաջորդ սերունդի մը յաջողութիւնը: Իբրեւ նախագահ`Մարի
Հելեն Իսքենտերեան կը խրախուսէ կիներու ներկայութիւնը միջին ճարտարարուեստական հաստատութիւններուն
մէջ: